【维港会】交通灯号久未转 网民提示假日司机停在感应器惹热议

每逢新年都会涌现外出拜年的假日司机，一众屋邨、屋苑附近长长车龙，有时都令人不悦。有司机会将汽车停泊在交通灯停车綫前一两米外，有网民看不过眼特地发文，敦促司机要将车停泊在感应器上。

有网民在「马路的事讨论区」发文，指「好多灯位都靠感应地线去转灯，你个辘唔辘过条地线，佢系可以十几分钟都唔转灯架，各位假期司机留意下喇」，引来网民议论纷纷。

有网民说，「以前试过前面架私家车又未掂到条线，我落车叫佢行前啲，仲慌死我呃佢咁，真系俾佢激死」、「我试过好多次落地下叫头车揸前啲，责住个sensor先识转灯架，真系好多人唔知，话时话，学车个时，师傅好似无教过呢样嘢？」、「上次电单车排头位，唔得佢死，已经轮咗两转灯，直头落车X佢」。

但也有司机无奈指，「有时真系好老尴，我揸电单车我压唔到线，叫后车上黎帮手压，好少人明，大多当我XX仔」、「咁细格咁前巴士跟线停嘅话都未必碌到喎」

不单司机觉得烦恼，行人也有同样问题「有啲人行过马路唔揿嗰个黄色嘢系唔会转绿公仔俾你过 ，我试过喺约道转出窝打老道，就系等佢哋转灯无车我先出到， 点知有班人一路企喺度系咁等 等完一支灯又一支灯 个个都唔识揿制。大家喺度斗企」。

有网民更踢爆，「好多绿的靠呢一样嘢搵食㗎，载客绿的，唔系繁忙时间嘅时候就特登，唔碌落去，有排跳表等灯位」。

其实香港不少路面的交通灯都设有车辆感应器，令交通灯得以灵活转灯疏导交通。运输署在交通灯前的路面设有车辆感应器，以探测等候车辆，有关数据会传送到路旁交通控制器，当控制器接收到有关数据后，便会因应需求，调配车流的行车灯号时间。