星島日報

【維港會】交通燈號久未轉 網民提示假日司機停在感應器惹熱議

2021-02-13 15:09
網民提醒司機要停在感應器上。網民Tam Yu Yeung圖片
網民提醒司機要停在感應器上。網民Tam Yu Yeung圖片

每逢新年都會湧現外出拜年的假日司機,一眾屋邨、屋苑附近長長車龍,有時都令人不悅。有司機會將汽車停泊在交通燈停車綫前一兩米外,有網民看不過眼特地發文,敦促司機要將車停泊在感應器上。

有網民在「馬路的事討論區」發文,指「好多燈位都靠感應地線去轉燈,你個轆唔轆過條地線,佢係可以十幾分鐘都唔轉燈架,各位假期司機留意下喇」,引來網民議論紛紛。

有網民說,「以前試過前面架私家車又未掂到條線,我落車叫佢行前啲,仲慌死我呃佢咁,真係俾佢激死」、「我試過好多次落地下叫頭車揸前啲,責住個sensor先識轉燈架,真係好多人唔知,話時話,學車個時,師傅好似無教過呢樣嘢?」、「上次電單車排頭位,唔得佢死,已經輪咗兩轉燈,直頭落車X佢」。

但也有司機無奈指,「有時真係好老尷,我揸電單車我壓唔到線,叫後車上黎幫手壓,好少人明,大多當我XX仔」、「咁細格咁前巴士跟線停嘅話都未必碌到喎」

網民提醒司機要停在感應器上。示意圖片
網民提醒司機要停在感應器上。示意圖片


不單司機覺得煩惱,行人也有同樣問題「有啲人行過馬路唔撳嗰個黃色嘢係唔會轉綠公仔俾你過 ,我試過喺約道轉出窩打老道,就係等佢哋轉燈無車我先出到, 點知有班人一路企喺度係咁等 等完一支燈又一支燈 個個都唔識撳制。大家喺度鬥企」。

有網民更踢爆,「好多綠的靠呢一樣嘢搵食㗎,載客綠的,唔係繁忙時間嘅時候就特登,唔碌落去,有排跳錶等燈位」。

其實香港不少路面的交通燈都設有車輛感應器,令交通燈得以靈活轉燈疏導交通。運輸署在交通燈前的路面設有車輛感應器,以探測等候車輛,有關數據會傳送到路旁交通控制器,當控制器接收到有關數據後,便會因應需求,調配車流的行車燈號時間。

最新回應

關鍵字

熱門文章