【维港会】家具店买3盏灯疑为内地网购货差价10倍 港女感敛财欲退货

2021-02-02 20:00
网民不满在港家具店买灯比内地网购贵10倍。示意图片
网民不满在港家具店买灯比内地网购贵10倍。示意图片

网上讨论区「亲子王国」有网民发文,在家具店买3盏灯具,怀疑是内地网购的货物,而且相比在网购价钱相差10倍还另收安装费,心有不忿希望退货。

当事人投诉,「响一间家俬店买,佢啲嘢好简约,衬得好靓,买咗3盏灯,两厅一房用,好奇用淘宝搜寻,3盏都是淘宝货!价钱争10倍,未有货住。可以点?可唔可以要求退货?但已畀晒钱」。当事人解释,「我知好多都系大陆做,但无谂过竟然是淘宝百几蚊货仔!」,又批评「(店家)唔包(安装费)!仲收成800 蚊安装费!我自己揾师傅装都是250 蚊盏」,「同佢(店家)买都等2 个星期呀」。

网民不满在港家具店买灯比内地网购贵10倍。示意图片
网民不满在港家具店买灯比内地网购贵10倍。示意图片

有网民认为,「畀哂钱都无计嫁啦,照要罗」。不少网民建议日后多上网格价,「以后直接淘宝算,反正咁平,真系唔啱损失都唔大」 、「现在香港只要细铺无牌子嘅货99%都系淘宝」、「其实香港好多灯铺都系淘宝货,不过人哋要交租又人工,卖贵啲都无可厚非,唯一好处系可以睇到实物,下次睇啱上淘宝搵下先买啦」、「好多嘢你直接买当然会平啲,不过你同人哋买人哋帮你做哂联络运送各样,都系服务的一种,你好难去计话人哋卖贵你架噃,正等于货来到如果质素唔好,佢系要负责帮你换,呢啲完全唔驶你自己做。经一事长一智,最多下次自己用多啲时间去格下价先帮衬铺头罗」、「咁无办法啦,可能佢都系淘落黎,香港铺租又贵,人工又贵,好难维本」、「淘宝系一个有海量货品嘅平台,而店铺系从海量货品中选择左一啲有品味嘅货供客人选择,搵嘅过程中佢都有时间成本,而且采购都系人工来。你睇啱系因为件货合你心意才购买,咁都系你情我愿才畀钱购买,但你话中伏系因为货品来源地?唔系挂…点睇都唔觉得系中伏,似系你对大陆产品有偏见多。」

也有人宁愿在港购买,「我买灯都知淘宝一样有,但我计过运费安装仲有冇损坏保养,最后我都系香港买,当然系贵啲啦。」、「我朋友之前装修淘灯,第一次装咗唔著,之后寄返去再换,第二次都唔得,应该系火牛嗰度有问题,之后直头退钱香港买,寄来寄去,争啲搞到装唔切」。

關鍵字

最新回应

關鍵字

相關新聞

热门文章