【维港会】购300多尺居屋散尽积蓄 人妻忧供到70岁难抵压力

楼价长年高企下一个个小市民置业都充满辛酸，有新晋业主更因压力太大而怀疑自己有情绪病。

有网民在讨论区发文，去年夏天成功上车，买入刚30年的居屋屋苑，由于无「父母干」，薪水不高，全靠她与先生租楼多年后勉强上车。

但她自言觉得好荒谬，只是30年300多尺的旧居屋，却用上毕生积蓄，「楼按系用尽所有身家之后，仲要供到70岁先供完，最好60岁后一个文员仔唔好俾人抄，否则我都谂唔到点算」。

她慨叹，由于已用上笔生金钱，又担心目前工作不穏定，心理压力好大。而且楼龄又颇高，新居有少少问题例如少许渗漏、入水等都好紧张，一直情绪好差，「觉得好似SHOW HAND ALL IN 咁，有啲咩事就一铺清袋，觉得付出咗咁多都唔能够『安居』，我觉得我已经有啲过度焦虑症，好少问题已经觉得好烦」。

她回想过去租楼，「唔锺意咪搬罗，心理压力无咁大。我明白买楼系财务安排上有一定的好处，但上咗车之后心理压力同情绪又系另一回事。」

有网民就安抚说，「你再租多几年楼，你就知道你今日咁谂系几蠢嘅事，买楼，点都系自己嘅」、「其实自己有能力上车，巳经比起好多人幸福，不如将精神放回点样可以将间屋整得靓啲、舒服啲，享受一下自置物业既心态仲好啦。」

也有首置客说，「我都有共呜，我都all-in晒，冇父干!我仲惨，单身，自己一个供。不过我平时都唔系消费主义嘅人，撑得住嘅!大家都系上车但求有个安乐窝加少少资产增值咁啫，最紧要问心无愧就得喇，共勉之!」

有人抱怨，「仲有啲公司知你买咗楼，大把说话你听，日日恐吓你，所以心理压力一定有」。亦有人直指，「业主的确唔系个个做得起，勉强自己冇幸福，如果觉得租楼生活啱自己多啲，何必夹硬做业主」