星岛日报

被Model冯镓潆公开追还钱 张致恒周身街数贴文「卖小强」

2021-01-27 16:00
冇钱养家的Steven争落周身街数,更被Naomi公开催还钱。
冇钱养家的Steven争落周身街数,更被Naomi公开催还钱。

年半前,曾被爆一脚踏五船的张致恒(Steven)跟Fans雯雯结婚并诞下儿子「天宝」,由于贱男形象极差令他冇工开,要养家嘅Steven被指要周围借钱,关智斌及郑希怡亦共借出10万元给他解困。



争人钱又冇能力搵钱,但曾坦认「性上瘾」的Steven唔肯做安全措施,老婆于去年六月再为Steven诞下幼子天牧,当时Steven誓神劈愿组织四人家庭会后修心养性努力工作养家。


36岁的Steven最近被爆出欠下周身债,Model冯镓潆(Naomi)昨晚在IG的Story开名闹爆Steven未还钱,因为无限期停业,好穷的Naomi留言Tag Steven:「你系唔系谂住唔还钱?你讲过分期还?年半多,一毫子都无还过我,之前仲unfollow我ig。」女方接住Post的Story还透露自己真系好穷,争佢钱嘅人唔该快啲还钱。

冇钱养家的Steven争落周身街数,更被Naomi公开催还钱。
冇钱养家的Steven争落周身街数,更被Naomi公开催还钱。
Steven育有两子分别系就嚟两岁的长子张天宝,及7个月大次子张天牧。
Steven育有两子分别系就嚟两岁的长子张天宝,及7个月大次子张天牧。

Steven在社交网撰长文回应欠债事件,他指一年多前因自己做错事,令到自己工作完全停顿,当时完全冇收入,迫于无奈问好多朋友借钱,也好感恩有好多朋友出手相助先捱得过一段时间,也试过搵过好多工,做过好多不同行业。他说:「疫情影响底下被炒过好多次,我有努力工作搵钱,希望可以支撑到屋企之馀仲可以还到钱俾朋友,但系而家的路实在太难行,工作完的收入都唔够屋企开支,想净少少钱还俾朋友都唔得,令到有好多朋友都好唔开心,我喺度要同所有借过钱俾我的朋友道歉,一直以来我都还唔到钱俾你地真系对唔住,喺嚟紧嘅日子我一定会尽力去工作还钱俾你地!」

Naomi在ig Story公开问Steven系咪唔谂住还钱?
Naomi在ig Story公开问Steven系咪唔谂住还钱?
Naomi公开呼吁争佢钱嘅人快啲还钱。
Naomi公开呼吁争佢钱嘅人快啲还钱。

Steven又解释佣人在两年前聘请,太太所买的电器以电话储下的积分换取,而儿子所穿的服装不是名牌,玩具和衣服大多是外婆及朋友送赠。再指因为养了三只狗不能跟父母住屋邨而租住村屋。他说:「照顾一个家庭压力非常之大,我亦都好努力去重新做人,只系希望大家可以俾啲机会我同埋俾啲时间我,我一定唔会再令到大家失望!」晒可怜「卖小强」的贴文亦获关智斌畀Like。

冯镓潆(Naomi)。
冯镓潆(Naomi)。
Steven的爱犬。
Steven的爱犬。
关智斌及郑希怡亦共借出10万元给Steven解困。
关智斌及郑希怡亦共借出10万元给Steven解困。
Steven在ig贴文扮惨。
Steven在ig贴文扮惨。

最新回应

關鍵字

热门文章