【李香琴大殓】 为丧礼任嘉宾致悼词 汪明荃赞琴姐重情义获爱戴

2021-01-26 16:05
阿姐大赞琴姐为人重情义又照顾后辈。
阿姐大赞琴姐为人重情义又照顾后辈。

李香琴(琴姐)于本月4日因病离世,终年88岁,昨日在红磡世界殡仪馆设灵,并于今晨出殡,一众好友纷纷到场送别她最后一程。在追思会中,跟琴姐相识多年的八和会馆主席汪明荃(阿姐,Liza)获邀发表悼词,昨晚阿姐将悼词上载至IG,分享她与琴姐的相处点滴,坦言在对方身上学到唔少嘢,大赞琴姐多才多艺、风趣幽默,更是重情义又照顾后辈的人,因此圈中朋友、学生、徒弟、契仔女满天下!

阿姐大赞琴姐为人重情义又照顾后辈。
阿姐大赞琴姐为人重情义又照顾后辈。
阿姐在IG分享了2015年与琴姐饭聚的合照。
阿姐在IG分享了2015年与琴姐饭聚的合照。

全文如下:
「<怀念琴姐>
我认识琴姐都差唔多接近半个世纪。

同好多人一样,最初对琴姐嘅印象,就系电影里面嘅奸妃,系余丽珍「东宫」嘅对头人「西宫」阴险恶毒,演得人型人格,睇到人咬牙切齿。而我同琴姐真正合作,就系我1971年加人TVB之后,但亦都由电影大银幕跳人电视圈,我哋一齐做《欢乐今宵》。当年做《欢乐今宵》,无论主持、跳舞、杂技、现场卖广告、琴姐通通都搞得掂;唱歌亦难唔到佢,粤曲、小调、中西流行曲、甚至日文歌,都可以即学即唱;要扮鬼扮马咩?佢一样冇问题!扮乜似乜不特止,但仲谂头多多,佢个Locker经常收埋好多古灵精怪道具,随时爆肚笑到大家停唔到;趣剧更加系佢嘅强项,同最佳拍档炳哥演嘅《大乡里》直头系代表作,我当年同石修都有份一齐做,跟住两位前辈学搞笑,真系每次都袋钱落我哋袋!

琴姐喺《欢乐今宵》,尽情发挥佢嘅多才多艺、风趣幽默、同埋超晒班嘅急才,所以令佢成功人屋,大受观众欢迎!

而我当时做咗几年《欢乐今宵》之后,公司就安排我转去剧组,琴姐亦都开始拍剧;记得我早期演嘅其中一部剧《永恒的春天》就系同琴姐合作;剧里面我饰演一位盲妹,琴姐就系做我嘅妈妈,而且仲系一位无微不至、贤良淑德嘅贤妻良母,当时一知道呢个配搭,我觉得好新鲜,但系同时都有少少怀疑,虽然喺《欢乐今宵》,琴姐都有扮鬼扮马,但系佢喺电影嘅「西宫」形象始终仲系好深刻,点知当时拍第一场戏,一埋位,琴姐以往奸妃嘅泼辣锐利眼神竟然可以完全冇晒,变为好慈祥同和蔼和亲,再加埋化妆同造型,真系同霸道嘅「西宫」180度转变晒,相当厉害!之后剧集一出,佢嘅演出感动到好多观众,从此开拓咗佢奸妃以外嘅戏路,喺演出上「改邪归正」,成功转型!

除咗电视同电影演出,琴姐亦醉心粤剧演出。佢细细个因为锺意睇任姐任剑辉,所以就入咗行,而佢亦同好多出名大老倌合作过,更被誉为系「二帮王」,好有名气!当年《欢乐今宵》,波叔梁醒波同琴姐成日鼓励我去做粤剧,而当时波叔亦系八和主席,有一次,佢邀请《欢乐今宵》同事,为华光诞演出《六国大封相》,我当年就负责跳罗伞架,但系当时我冇戏服,于是琴姐就私人借咗一套畀我,仲教埋我要点样演、点样做,佢的确系好照顾后辈;而琴姐亦做过八和副主席,后来八和开办第一届粤剧学院,佢亦都好关心学员发展,好似廖国森、庄婉仙、卫骏英等等,当时琴姐遇到有人请佢演神功戏,好多时都会同班主讲,佢情愿自己收少啲,都希望带埋一班新人去表演,为佢哋争取多啲踏台板嘅机会!至于我自己,1983年第一次做粤剧,同林家声演出《天仙配》,我系正印,虽然琴姐已经系好有资历嘅剧坛前辈,佢亦都愿意帮手做「二帮花旦」,客串大姐嘅角色,喺彩排同演出期间,佢亦毫不吝啬咁教我好多好多嘢,到今日,我都依然衷心感激佢。除咗提携后辈,琴姐亦都好关心同行,佢知道戏行好多下栏演员、衣杂箱工人,人工少,又或者开工唔够,生活好艰难,所以一有机会,佢就会搵个令大家听得舒服嘅藉口,借啲意畀封利是佢哋,所以行内上上下下,都觉得琴姐绝对系一个重情义嘅人;而琴姐一生热爱粤剧,佢亦同佢女儿紫筠讲,好感激华光师傅畀佢人行,所以紫筠都同我讲,希望代表妈妈,将啲帛金捐畀八和会馆,回馈粤剧界,喺度我都代表八和,多谢紫筠同琴姐。

琴姐之所以德高望重,唔单止因为但跨越半世纪嘅演艺成就,而且仲系因为佢喺演艺界,树立咗一个典范:佢工作态度认真、勤力、守时不在话下,对任何人亦冇分高低,无论有钱冇钱、资历深定浅,佢都一样尊重你、一样对你真诚友善,仲有,即使呢一行人事关系好复杂,我亦从未听佢讲过半句是非,或者喺背后讲任何闲话,所以佢人缘相当好,朋友、学生、徒弟、契仔、契女满天下!

记得我最后一次见琴姐,系几年前大概佢生日左右,我同关菊瑛一齐去探佢,当时佢已经病咗一段时间,当日一入门口,佢就嗌我“Liza Liza”,嗰日佢精神好好,好有笑容,我哋仲同佢一齐唱咗几首歌:《分飞燕》、《香夭》,虽然佢咬字未必好清晰或者唔系好记得歌词,但系我哋一唱,佢都会接得到,我好感受到佢对粤剧仍然念念不忘,不过坦白讲,当日嘅相聚,其实我真系唔太肯定佢仲记唔记得我,但系我,一定唔会忘记,喺我嘅演艺路上,曾经同一位咁值得我学习同尊重嘅前辈共事过,能够同你认识同合作,系我嘅荣幸。

琴姐,一路好走,晚辈永远怀念。」

阿姐为琴姐追思会担任嘉宾致悼词。
阿姐为琴姐追思会担任嘉宾致悼词。
阿姐将悼词上载到社交网。
阿姐将悼词上载到社交网。

(网上图片)
(网上图片)
(网上图片)
(网上图片)
(网上图片)
(网上图片)
(网上图片)
(网上图片)
阿姐和丈夫罗家英昨晚一同出席琴姐丧礼。
阿姐和丈夫罗家英昨晚一同出席琴姐丧礼。
琴姐今晨出殡。
琴姐今晨出殡。
琴姐生前热爱粤剧。
琴姐生前热爱粤剧。
關鍵字

最新回应

關鍵字

相關新聞

热门文章