【独家】【《造星III》决赛花絮】粉丝拎灯牌撑场被吓亲 Zeno感动：我令你哋觉得冇拣错

Zeno（顾定轩）自从参加《造星III》及同时间播出主演的《男排女将》令人气急升，这晚他出席决赛夜时，本来带住轻松心情参与，但估不到一班粉丝亲自到场支持，令他大为感动，仲好可爱话被吓亲，因冇谂过粉丝会拎灯牌，仲话会用好作品令粉丝觉得冇拣错。采访：杜淑霞、廖思慧

Zeno这晚虽然有份上台跟50强参赛者一齐演绎主题曲《前传》，但坦承心情跟以往演出节目好唔同，「嚟到依度有啲感动，彩排嘅时候我哋再跳番《前传》，好似经历番一次每一round咁好感动！不过可以轻松去睇骚，心情系轻松又开心嘅。」



10强止步的Zeno，对于自己并非主角，仍有超过30名粉丝到场支持表现得相当惊喜，「我系吓亲呀！咁啱出到去，佢哋准备咗惊喜畀我，佢哋集合咗一班人，我最吓亲系我有灯牌呀！我冇谂过。我见到好多妈妈陪埋囡囡一齐嚟，我真系冇谂过，虽然今日自己唔系喺台上面，唔可以行到最后，但喺度畀大家认识到我，有佢哋支持，之后嘅路就继续努力行落去。」大为感动的Zeno再有情深说明同粉丝讲：「未来仲系好远，我系会继续好勇敢咁样行落去，希望嚟紧可以做多啲好嘅作品畀大家见到我，我会令你哋觉得冇拣错我！」