【圣诞节】为粉丝炮制圣诞礼物邓佩仪邀王梓轩翻唱情歌获赞有进步

2020-12-23 19:13

最近王梓轩(Jonathan）及邓佩仪（Gloria）翻唱情歌《梁山伯与茱丽叶》，原来系Gloria特地邀请了《机场特警》情侣拍档Jonathan合唱，用嚟送畀粉丝嘅圣诞礼物，梓轩仲做埋MV男主角。为赶及圣诞节前出歌，整个过程录音、mixing加拍MV，不足两星期便完成，虽然时间仓卒，但制作认真，为了营造气氛，录音时，Jonathan把录音室的灯光全熄掉，成功在3小时内完成。两人又借了过万尺的私人会所拍摄MV，Jonathan更即席加插舞步，与Gloria双双起舞，令MV生色不少。

Gloria说双方很有火花：「因为疫情下大家都要留喺屋企，我想送份特别嘅圣诞礼物畀佢哋，所以我拣咗首台湾经典情歌〈梁山伯与茱丽叶〉翻唱，录音时，Jonathan录咗自己部份先，我听住佢把声，哗！超好听呀！」

而Jonathan就话：「呢首系曹格同卓文萱嘅歌，佢哋同我有啲渊源，十年前本来有机会同原唱者卓文萱合作，但当时撞咗嘢做，估唔到有缘可以翻唱，而今次Gloria搵我合唱我都有惊喜，佢唱功有进步啦！」获赞Gloria好开心：「喺录音室好似上咗唱歌班咁，原来我把声可以有另一个texture，好兴奋呀！所以录音之后嗰几日，我著咗火咁不断用唔同方法去唱歌。」她更想同Jonathan合唱多几次，Jonathan就叫Gloria请食饭，因为台庆颁奖礼，他会为Gloria拉票，Gloria却笑说：「投晒畀阿银(邓角色)可以喇！」