拍动作广告NG十几次 薛家燕呻囝囝要求高：唔好用到我咁尽
2020-12-22 17:10 
薛家燕早前为某马来西亚品牌代言续约，由于受疫情影响未能飞往当地拍广告，家燕姐就找来儿子石耀庭（Jackson）执导，来一个跨国Crossover。她笑指Jackson要求高，「我记得之前有个动作广告，打咗十几次都唔满意，要我再打……唉！佢忘记我系佢阿妈，年纪有番咁上下，攰㗎嘛！第二我又系前辈，都要畀前辈休息吓，所以我搵珊珊（大女石佑珊）提一提佢，『唔可以用到我咁尽！』。」不过家燕姐亦明白Jackson的紧张，想拍出最佳效果先NG咁多次。
当日除了拍广告，家燕姐和Jackson更准备了惊喜为珊珊庆生。全部人先躲在家燕姐的化妆房并关上灯，当珊珊走进漆黑一片的房间时，大家才一起现身唱生日歌及送上蛋糕。对于生日惊喜，珊珊表示：「头先见出面冇晒人，见到间房又熄晒灯，仲以为发生咩事，吓死我！」睇嚟70岁的家燕姐比囡囡更玩得喎。
關鍵字
最新回应