以电话攻势冧掂谢安琪 张继聪制造浪漫为感情保鲜

阮小仪主持的香港开电视新节目《小仪与13型男》将于本周六（26日）首播，节目安排13名型男跟小仪约会，首集请来「爱妻型」张继聪（阿聪）担任约会对象。为博「红颜一笑」，阿聪可谓出尽法宝，除了出动私伙电单车载小仪游车河外，更献出自己第一次调酒给对方，令她大叫荣幸。自觉是一个合格男友的阿聪说：「每一个男人着紧另一半嘅话，都会想佢开心，会谂一啲惊喜畀对方，当时间长咗，恋情变成感情时，更需要浪漫时刻去保持关系新鲜。」

问到觉得自己是哪类型男？阿聪笑道：「好多人觉得我系搞笑、肌肉型，其实我觉得自己系文青、家庭型。」小仪闻言即大派柠檬表示：「睇唔出你系文青型，但绝对系家庭型，尤其是你有自己家庭后更明显，所以我会觉得你系『爱妻型』。」谈到跟太太谢安琪（Kay）初相识的情况，阿聪大爆是自己先迷恋Kay，否认网上「女追男」的传闻，他说：「虽然我哋系同一间中学，但唔同届唔认识，网上流传佢追我嗰啲系假嘅，真相系我哋同一年嘅新人，佢派歌先过我，我听到佢嘅歌，觉得正喎，即被呢个女仔把声同质感所吸引，把声咁正，通常个样都唔差；喺电视第一次睇到佢嘅MV，觉得正喎，于是好主动去追呢个女仔。」

那么当年以甚么招数追Kay呢？阿聪称以传统的倾电话攻势：「同佢讲电话，记得有次喺电话约佢睇戏，点知佢三日都唔覆我，于是嬲嬲地问佢点解唔覆我，佢话嗰套戏唔系特别想睇，所以咪唔覆罗，我觉得佢好有性格，令我更加锺意佢。」一提及太太便甜丝丝的他，又指虽然二人结婚多年，但Kay仍会叫他记住初次见面的感觉，而他亦会努力经营保持拍拖的感觉。

至于夫妻相处之道，阿聪说：「太太系最好嘅朋友，因为日日都会对住，我同太太都唔系物欲嘅人，买礼物系氹唔到对方开心，反而共度假期比较重要，好似有一年情人节喺尖沙咀码头攞住支结他Busking，唱歌畀太太听，其实都惊㗎，但印象好难忘。」提到其嗜好是玩电单车，阿聪形容车是最好的第三者：「男人玩好多嘢都可以好大件事，不过玩车最紧要安全，最好唔好太挥霍，太太又锺意坐嘅话，成件事变得好浪漫，所以车系最好嘅第三者。」