想偷懒唔送礼物畀女友　刘俊谦蔡思韵在家睇戏过圣诞

还有3日就是圣诞节，疫情下大家都未能外出，贴心的刘俊谦和蔡思韵（Ceci）就挑选了防疫用品，并亲手签写圣诞卡，送给身边朋友及工作夥伴，提醒大家继续注意衞生迎佳节。回顾过去一年得着，Ceci不忘感谢《幻爱》为她带来的一切，她感恩地说：「工作上《幻爱》系我一个里程碑，透过这部作品令更多观众认识我，亦增加咗唔少其他演出机会，希望2021年有更加多新作品同大家见面！」刘俊谦坦言除了电影《幻爱》之外，好开心同时遇到《二月廿九》这部电视作品，「《二月廿九》获得新加坡《亚洲学院创意奖》（Asian Academy Creative Awards）香港最佳剧集，系开心事。除咗剧，其实电影、舞台剧喺工作道路上都几好发展。」

过往几年在台湾生活的Ceci，感觉香港圣诞气氛较浓，她回想起儿时写圣诞卡给朋友，觉得是一个仪式，但随着年龄增长，现在写圣诞卡别有一番感受，Ceci边写边说：「写圣诞卡呢件事喺人大咗反而少做咗，不过今年我都有写几张寄去畀台湾嘅朋友，手写卡系有一种温度，感觉好唔同。」刘俊谦也忆起自己的一人圣诞：「大概5、6年前一个人去咗捷克背包旅行，行咗个圣诞市集。记得当时天气好冻，拎住一杯热红酒，望住欧洲古董嘅环境，系我几难忘嘅圣诞。」

二人庆幸未收过「骑呢」圣诞礼物，相反见过朋友收的礼物就几搞笑！Ceci在派对上见过有人收到一包纸巾，而刘俊谦就表示：「有位女性朋友收过剃鼻毛机，我问过佢有冇用？佢真系有用，而我发现佢啲鼻毛真系少咗，对于我嚟讲可能好笑，但对于佢嚟讲都系实用！」问到Ceci想收甚么礼物？她直言冇谂过，刘俊谦二话不说回应：「好嘢，咁我唔使送！」Ceci也唔执输的说：「梗系送出去嗰个人要谂送咩礼物，冇理由收嘅人去谂想要咩！」一言一语，呢对情侣果然有「蜜」契。

而鉴于疫情关系不宜外出，二人又异口同声表示会在家睇戏过圣诞，并推介大家：「当然要开心合家欢，笑一餐！《Love actually》就必睇，周星驰都系，就算睇过好多次都系会笑！其实圣诞过节最紧要一齐开开心心。」