【牺牲色相】忽然冇眉变胶味男神　Edan@MIRROR化身「王小虎」抗宿敌

2020-12-15 16:30

ViuTV原创剧《男排女将》本星期进入结局篇，今晚将上演由「家瑜」邓丽欣带领的排球队「力图」对战宿敌「翔鹰」。除了网民期待已久的复仇之战，相信昨晚睇到预告的一众剧迷都忍唔住爆笑，因为饰演「阿神」的MIRROR成员Edan（吕爵安）成条眉冇咗！ViuTV今日亦在社交平台上载Edan「冇眉」剧照并留言：「眼利嘅各位，相信睇剧照嘅时候曾经发现阿神堂眉出现咗啲问题。至于点解冇咗条眉，留番畀大家今晚9点半慢慢了解。」相片可见，冇咗条眉的Edan被一班「力图」队友耻笑，对战时要以「王小虎」Look现身，「翔鹰」队员更扬言要「扯甩佢条眉」。

Edan的搞笑造型虽然未正式播出，但已引来一班网民关注。有人留言问Edan是否要为入ERROR铺路，亦有人笑指遮住眉毛的遮瑕膏应该好好用。其实Edan早前接受《头条日报》专访时透露过自己的角色特质其实是靓仔，不过发生好多骑呢事，令「万人迷多咗份胶味」。当时MIRROR队友Anson Lo（卢瀚霆）及Jer（柳应廷）更笑Edan是将角色扭转咗，如今Edan终于可以平反嘞。