【维港会】与弟瞓厅促母装修 清贫男抱怨要筹谋被轰「学咩独立」

男网民发文抱怨，指家中空间有限，多年来需要与胞弟同住客厅，他又无财力搬出，他要求母亲装修多划分两间细房，不满母亲却迟迟无行动，抱怨需要亲自筹谋，结果反被其他网民批评又无钱又不想付出。

男事主在「香港讨论区」透露，家中地方小，只有一间正式的房，多年来都是与弟弟在客厅间隔出一个位，「整趟帘间开张碌架床就算，一啲私人空间都冇，以前细就话啫，宜家都咁大个真系唔系咁好」。

于是事主「同阿妈倾话想装修下间屋，间多两间房仔，分开我同细佬，佢都系咁拖话迟啲先，又话佢唔识点同师傅讲，又话惊被人搵笨，好想搬走但系我又冇能力，唔知仲要忍呢啲生活几耐.... 」事主抱怨，「佢（妈妈）而家将个波交哂畀我，话我咁想整叫我自己搵，我响边度搵啊」。

有网民就提醒，「紧系唔系佢直接同师傅讲啦，有室内设计师架嘛，长远落去点都要整， 紧系早整有早整好啦」；有人建议去连锁家具店宜家「买啲平柜，当间墙用，唔驶2万，如果唔想太厚，买CD柜间开」

有人则炮轰事主，「如果连依个问题都解决唔到,仲学乜人独立?个波交哂畀你都叫有得你选择,人地屋企嘅选择只有住or quit咋!你好幸运了... 」、「你连搬走都无能力睇怕你都系无谂过出钱装修㗎啦，钱又唔出就唔好多要求喇，索性捱多几年储多啲钱搬走好过啦」。