【独家】跟离世爱猫许下承诺袁文杰同杨证桦关注动物权益

2020-12-10 23:00

刚宣布跟拍拖9年女友张洁莲入纸注册结婚的袁文杰，早前跟杨证桦（阿Man）零晨收到消息，山火迫近「大树下善待动物站」，一班可爱小动物随时葬身火海，两人即出心出力到现场帮忙动物撤离，两人当晚睇到香港人愈来愈爱护动物都好感动。杰哥坦承近年受爱猫影响，更加关注动物权益，早前爱猫离世他更许下承诺会多帮忙它的兄弟姊妹，今次事件只是交了一次功课。撰文：杜淑霞摄影：张咏森

杰哥当晚跟阿Man收到朋友这个消息，便即时出动帮手动物撤离，因为两人跟「大树下」的小动物早已认识。杰哥说：「本身『大树下』其中一个负责人，系我合作过公司嘅同事嚟，佢好热心帮助动物，变咗我会留意呢个场，都有探访过啲动物。」近年开始经营宠物用品生意的阿Man，早前更办活动为「大树下」筹款。

这次撤离事件，令杰哥同阿Man都感受好深，杰哥坦承仲未冷静到，「我一样唔会冷静，每次呢啲时节就会出现呢个情况，肯定系人为啦！如果今次真系走唔切性命受到影响，又冇人要负责，又冇得拉佢，唯有靠自律。」对于不断有虐待动物事件出现，阿Man认为最重要是教育，所以他从小就教两个儿子爱护动物，「我哋屋企有两只八哥同一只摺耳猫，两个仔同佢哋由细玩到大，好似兄弟姊妹咁，教育要由细培养。」

杰哥承认十多年前养了爱猫「囝仔」令他改变很多，今年8月10岁的「囝仔」患癌病离世，令他更多参与义工工作，「正式去呢个路，都系最近我只仔8月份走埋，因为我只仔先令我开始留意动物嘅新闻，动物嘅消息，佢走嘅时候我喺佢耳边讲过，『囝仔爹哋会尽力去帮多啲你啲兄弟姊妹』，系我对阿仔嘅承诺（帮手撤离系咪对囝仔有交待？）我会话系交咗一次功课先。但事件令我了解到香港人关心动物嘅意识强大咗，动物令大家团结同齐心。」