以为睇紧《驱魔人》 欧铠淳玩瑜伽玩到好黐线

有「美人鱼」称号嘅运动员欧铠淳（Stephanie）早前获颁「十大杰青」。因为疫情影响，令本来开心出战2020东京奥运，好好享受运动员生涯最后时光嘅佢非常失望，东奥延期一年至明年七月，到时29岁，加上有九个月未比赛过，连当事人都话状态已回落，到时唔敢谂。冇得比赛同练水，Stephanie冇偷懒，「上岸」后努力练瑜伽同钢管舞，成绩仲相当唔错。

Stephanie经常上载滑水片及瑜伽片到IG，最新一条系关于后者，只见佢企住将身向后弯，再将双手掂住地下变成一条桥，然后再踮起脚尖Hold住十几秒，感觉好黐线，有网友留言《驱魔人》三个字，实在形容得非常好，有睇过呢套戏嘅人一定会明白。