【维港会】4岁仔「扭计」不肯落巴士 乘客提醒港妈先落反被闹多事

香港人生活步调急促，稍微行慢一步阻到人，都可能被闹「阻住地球转」。有港妈就表示，日前带仔女搭巴士，从巴士上层落车时，儿子「扭计」不肯落楼梯。港妈表示自己心急之际，一名大妈叫她「做阿妈嘅自己落先嘛」，辣著火头，令港妈激动爆粗。不过就有很多网民不认同港妈的看法，认为她才是需要「考牌」那个。

港妈仔「生仔要考牌系列」Facebook群组投稿，称自己「俾个多口中年大妈激到忍唔住在仔女面前爆粗」。港妈每日都同仔女搭巴士返学放学，因为下层经常满座，所以都要坐在上层。「因为我试过落车时自己落楼梯先，仔女后落又落得慢，司机未睇清楚就关门，阻埋后面乘客落车而被人闹过，所以之后每次我都叫仔女落先」。4岁儿子比较顽皮，港妈每次都叫7岁女儿先落，自己再拖实儿子落楼梯。

不过近日带孩子搭巴士时，儿子突然「扭计」，站在楼梯不肯落。港妈怕阻到人，就心急想办法「氹」他落楼梯。「喺我心急如焚，好焦躁之际，突然有个中年大妈唔知做咩多口话我：『做阿妈嘅自己落先嘛！』」大妈更一边摇头，指她「唔识做人阿妈」。港妈点著火头，「关你X事呀！多X事干！」

港妈表示，可能自己也有错，但大妈不认识她，又不知道前因后果，而且无影响到她，「我唔认为佢可以公开批评我罗！况且识唔识做人阿妈都唔轮到佢讲，系我对仔女先可以评论我罗！」

帖文引起热议，不少网民都表示「大婶无讲错，有小朋友的，若坐上层，应阿妈落楼梯先，若车突刹车，小朋友会向前冲。而且若小朋友细，应早少少落下层，宁愿在下层企，都费事临急临忙冲落楼梯」、「睇到『氹』呢个字时，已经明白成件事系点了」、「4岁仔巴士唔肯落楼梯，仲慢慢氹？当然系一手抱佢落去啦！」、「要喺香港被人容许你慢慢落车真系有啲难度」、「无论几嬲，系仔女面前一定要谨言慎行」。