【死因研讯】指找到关键片段有突破 周梓乐父亲：向真相迈进一步

科大生周梓乐死因研讯踏入第15天。裁判官高伟雄昨午透露在闭路电视片段中，发现「非常关键」影像，须即时休庭处理。高官今再表示，由于不想公众猜测，今将在庭上播放。周父周德明在庭外表示他与太太今天在庭上首次观看有关疑似儿子周梓乐堕楼一刻的数秒片段，「庭上睇到几多就系咁多」，周父指：「段片都好快，个心当然唔开心，见到个仔坠落个一刹那」，「都系法官讲，话片段同救护员证供唔脗合我地先知」。

周父指他现时未能评价警方在处理有关资料片段的手法，「疏唔疏忽依家真系唔敢讲」，「嗰日我地郑大状（郑淑仪女大律师）随口咁问一问，估唔到就有啲突破，我地之前都估唔到」。周父希望任何曾经目击事件的民众能与他或死因庭联络，「其实可能广明苑啲街坊都可能有啲人会见到，或者佢地见到会比镜头更加真实，希望佢地讲下形容下，未必可以上庭作证的话，都可以俾我同律师加深下分析」。

周父指「无得惊」现时事隔逾一年后再蒐证或许会「搵唔到好多」，「咁排到一年后先开庭呀麻，要相信罗」。他指见到片段堕楼时间与推测堕楼时间相差近十分钟时，「我心入面会有啲谂法，但系心入面嘅猜测」，「我作供嗰日都讲过我个囝最后上线时间系（凌晨）一点钟架麻，咁系咪要我嘅谂法错左呢，都要再研究一下」。

周父认为今早播放的闭路电视片段「都几好」，「反而我系开心，法官自己都睇到一啲嘢，好似真系有突破」，亦认为该片段令还原真相的过程迈进一大步。周母李丽丽在观看片段时痛哭流涕，周父指自己「依两日（情绪）都麻麻地」，但笑说：「我一个男人，唔可以当众咁样喊出嚟架麻」。