【独家】男友照顾又搞餐饮又开美容院　林秀怡9个月冇剧拍饿唔死

林秀怡绝对是「疫」市奇迹！虽然去年传遭无綫雪藏，但本身搞饮食的她于一个多月前，再投掷6位数于铜锣湾开美容院，年中更多得导演男友Kevin借首期，让她成功上车。秀怡也感恩男友支持，问是否以身相许报答对方？她笑说：「咁系咪唔使还钱？其实都有计画结婚，希望储多啲钱先。」但经历母亲身体不适后，她认为开心比金钱更重要。撰文：黎宝伦　摄影：李维隆　场地：Foodo

林秀怡去年疑就社会事件表态而传遭无綫雪藏，至近月才「复工」为节目《我要做业主》任主持，又于IG晒角色新造型照，对此她澄清：「公司话唔关事，纯粹真系冇嘢做，可能角色唔啱，其实一般演员都经历过几个月冇工开嘅日子。以前会谂系咪自己啲戏做得差，所以冇人搵呢？而家睇淡咗心情就好啲。（谂过离巢？）冇谂，仲有好耐约。」对于在《婚姻合伙人》表现亮眼，正值上位却忽然零产量，问会否觉得可惜？她笑道：「时也命也，睇到化晒。」

秀怡也坦言一向对事业没甚野心，「都系用番自己舒适嘅方式去生活，以前觉得搵钱好紧要，到妈咪确诊患癌后就觉得钱好唔重要，只要每日开心过生活就好。（但你搞好多生意喎！）咁啱有人搵我咪夹罗。」而停工9个月间，秀怡一直在经营的日式西餐厅做兼职，惟年初爆发新冠肺炎，政府一度实施禁晚市堂食令，致餐厅生意大跌7成，她直言：「晚市赚得3位数，好在晏昼Cover到，但冇赚罗。」本来打算开分店的她已搁置计画，盼疫情尽快结束，回复正常生活。至于跟男友Kevin的婚期？秀怡称目标是35岁前结婚，预计3、4年后。