【独家】12岁秀桦开始贪靓　甘比陪大女买化妆品扫平Tee

坐拥近700亿港元身家的甘比（陈凯韵），虽然贵为「香港第二大女富豪」，但依旧过着「贴地」的平民生活，除了曾被拍得悭家食麦记、鸡蛋仔外，她亦经常带一对仔女落区做义工，希望小朋友明白幸福非必然。转眼大女刘秀桦已经12岁，她与时下少女一样锺意约同学仔出街玩，日前《头条日报》记者就见到甘比陪囡囡& Friend去中环买平衫同化妆品，之后秀桦撇甩妈咪跟同学仔去冒险乐园掟彩虹，只系使咗少少钱就赢咗个翠儿公仔，呢位小公主拎住奖品开心地离开。采访：李维隆、梁志明

日前下午两点，一身Casual Look牛仔裤衬卫衣、戴Cap帽的甘比，带埋大女刘秀桦及其女同学到中环IFC行街街，随行仲有3个保镳跟到实。当日甘比都系陪囡囡入货居多，一行人先到意大利少女服装品牌BRANDY MELVILLE睇衫，基本上店内货品介乎百几至3百之间，非常大众化！由于天气开始转凉，秀桦主力扫咗堆卫衣、外套及手袋仔，拣完试都唔使试，就交畀保镳叔叔拎去埋单，唔使二千有得着有得用。之后众人移师去SEPHORA睇美妆，进入青春期的秀桦都好贪靓，睇吓胭脂又睇吓唇膏等，最终拎埋盒Gift set就畀钱闪人，而甘比就全程做「跟得妈妈」，默默尾随两位妹子，呢位阿妈认真唔话得。

又食又玩好开心
同日下午4点几，本报记者再于铜锣湾皇室堡撞见两位妹妹，但就唔见甘比，剩低两个保镳傍实秀桦和女同学「快闪」冒险乐园。待保镳叔叔排队唱完金币后，秀桦捧住大袋金币走到摊位前，与朋友仔一齐兴奋掟彩虹，玩了10分钟左右，好快就赢得一只翠儿公仔，惜同行老友就两手空空离开。秀桦随即带队上4楼，请埋朋友仔食Froyo，有乳酪雪糕食的妹子们都开心晒，同学仔仲喺搭扶手电梯期间，已经迫不及待除罩嗒两啖，可能妈咪教落疫情严重好危险，所以秀桦都好听话忍住冇除罩，直到返上写字楼先开餐，好乖女。