【独家】确诊新冠肺炎后狂接广告 施匡翘因祸得福知名度狂升

45寸「长腿女神」施匡翘(Zaina)因是首位新冠肺炎确诊女艺人而知名度倍增，更吸引到唔少广告客户，她坦言算系因祸得福：「因为样样都系好事嚟，但唔可以靠呢啲『优势』食老本，未来真系冇人知，我觉得人生好无常，所以每日要健康、开心。」采访：方骞平 场地：Imini partyroom 形象：Janae陈灏而 化妆及发型：Wingkee Makeup

施匡翘康复后推出新歌《差不多小姐》，歌曲讲述中学生上兴趣班时暗恋男仔嘅一段真实经历，因为她太慢热，最后冇结果，之后Zaina冇再暗恋人：「我锺意较稳重及有幽默感嘅男仔，好似MV男主角林德信咁，太靓仔冇乜安全感，正常合眼缘就得。」

虽然施匡翘已康复，但都Keep住3个月定期覆诊，为怕有机会复阳做过多次检测才复工：「Check到我经已有抗体，短时间内都唔会传染到畀我，所以我反而好放心。」而她患病期间，隔离唔用针药和被误传「用盐抗炎」都惹来非议，问到系咪人生最难过嘅阶段？她不认同：「相比之下我觉得考DSE难过啲，入院时我冇唔舒服，全程好似用第三者角度睇嘢咁，隔离期间都系睇书做运动。」施匡翘从确诊确体会到人生无常：「做自己锺意做嘅嘢经已好幸福，𠵱家要把握机会，尝试多啲嘢，同埋重视健康，早啲瞓觉唔好捱夜。」