每朝被囡囡锡醒搞到成面口水 周柏豪：系好冧

周柏豪受访TVB娱乐新闻台节目《StarTalk》，大谈推出《劫后馀生》成打气歌感受。柏豪说：「冇出歌呢一两年时间，自己都有好多低潮，发生咗好多事，对自己嚟讲系好惨痛，一生人都唔想再发生，呢首歌可以话系同大家同埋自己打气，初初唱呢首歌嘅时候要投入情绪，每次都好激动，会谂返好多当时嗰种恐惧感，依家每次都好期待唱呢首歌，因为每次都有唔同嘅释放，唱完自己会开心咗。」

受疫情影响下，柏豪反而有更多时间陪伴女儿。他说：「见证到好多女儿嘅第一次，包括叫我爹爹，但我见证唔到我阿妈话我太太出咗去好耐未返屋企时囡囡话妈妈曳曳，呢个我好想睇到，哈哈！」谈到与女儿关系时，柏豪说：「我觉得好似比拍拖更夸张，佢每朝都锡到我醒，佢会爬上嚟，上唇下唇都锡，搞到成面口水，系好冧！可能同太太拍拖太耐，都15年，所以同囡囡一齐嘅感觉更强烈。（担心太太会呷醋？）唔会，你估净系锡我咩，囡囡锡佢先锡我㗎！」

柏豪直言因女儿改变不少，说：「依家屋企会听多咗儿歌同古典音乐，以前会听乐队同伤感嘅歌，始终电波会影响BB，所以太Moody唔系咁好。另外自己会更把握时间，唔想浪费喺啲无谓嘢度，做完一日工作快啲返屋企见佢哋。」