疫情下少咗工开 《造星II》人气王张天赋被铁粉力撑好感动
2020-10-19 10:30 
疫情下有接近半年时间冇开放现场观众睇show，12个演唱单位小尘埃、布志纶、泳儿、陈柏宇、陈健安、陈洁灵(率张天赋MC、柳应廷、Eagle Chan、Lucas Chuy、梁瑞峰、陈乐)及汤骏业、邓小巧、卢巧音、锺舒祺、锺舒漫、ERROR、6 号@RubberBand日前喺旺角麦花臣场馆参与《埋班作乐》作品展。虽然在限聚令下令可以入场嘅人数减半，但依然吸引到大批粉丝扑飞到场支持。其中人气王张天赋，同埋属于ERROR嘅193嘅粉丝最为活跃，大批粉丝喺开show前几个钟已经喺场馆门口排队，而MC嘅大字灯牌更加系闪爆全场。
前辈陈洁灵(Miss Chan Chan)喺《全民造星II》中曾出任星级导师，还力赞MC系咁多个入面，令她最惊艳一个，成功抢他入团队，今次台上合唱《标本》重拾当日情怀。
MC坦言疫情下出show嘅机会少咗好多，就算想去下busking都好易被人赶走，始终都惊会引嚟太多观众喺街头聚集：「所以见到咁多粉丝冇唔记得我，谂尽方法到场支持，都觉得好感动。」近期MC真系开始体验到出道嘅生活，除咗唱歌，还幸可以参与到其他歌手MV嘅拍摄工作，又拍咗自己个人嘅第一个广告，过足戏瘾之馀，同20人嘅制作团队全日开工，亦都体会到大制作嘅兴奋。MC仲透露短期内都会接受一位女歌手嘅邀请，为其歌曲录制合唱版，疫情下都叫有工作做。
至于个人单曲几时发行？MC表示目标依然系出年年初，现阶段一直都有听紧唔同嘅demo做准备：「始终系第一首属于自己嘅歌，好想做好佢，我系有啲执著同埋选择困难症。不过，𠵱家我经已搵到属于自己嘅声音，应该可以比到乐迷惊喜。」
最新回应