美魔女难得性感露纤腰　米雪激罕晒靓肌

60几岁嘅米雪向来补养得宜，一直系美魔女界嘅中坚份子，但向来好少晒身材，性感造型更加绝无仅有。不过，呢日米雪先后喺社交平台Post
出着住两套运动装嘅靓相，而且只得运动Bra Top加短裤，露出纤腰之馀，仲激罕大晒佢fit爆身材，可能佢近年爱上跑步同行山，体态保持得更好。最搞笑系佢唔单止晒正面相，仲有背面同侧面，畀大家睇真啲佢全身都系肌肉几咁fit，难怪佢留言都话：「今个夏季，炎热非常！练跑时穿上缤纷彩衣，加倍精神好，充满能量，跑得特别～爽！起劲！」及「橙＋绿＋古铜色！加紧锻鍊～背肌，腿肌⋯⋯^_^！」睇嚟多运动，真系会米雪好开心喎！