【独家】望集齐香港金像影帝 张达明恨同发哥合作
2020-10-08 19:12 
张达明早前凭电影《麦路人》，首次夺得金像奖「最佳男配角」，他坦言是个很大鼓励，令他有信心多挑战感性角色，更激起他向「最佳编剧」和「最佳男主角」奖项努力，他又笑指虽然经常跟发哥跑山，但更恨合作，因想集齐跟金像影帝合作的梦想。而达明在饮食和运动双管齐下，只差8磅就回复患鼻咽癌前体重，他笑言要追近老友黄子华外型，不过疫情下会更加小心身体。撰文：杜淑霞 摄影：李维隆 场地：富荟旺角酒店
对于首度夺得男配角奖，达明直言事前完全估不到，「好开心，我都有一个咁嘅能力，做到一啲咁样嘅角色。今次金像奖系好大鼓励同埋推展，今次攞系男配角嘛！令我更加想争取下一个金像奖系曾经全职嘅工作—编剧，我第一套嘅电影编剧，梁朝伟系主角嚟，就系《哥哥的情人》，咁我可唔可以争取下一个金像奖系最佳编剧呢？或者我以前做开嘅最佳男主角呢？呢个系一个鼓励，令我再向前挑战，争取呢两个奖。」
除了奖项上，达明更望集齐跟金像影帝合作，多年来原来只差一个，「发哥罗！金像奖影帝我一定合作过晒，系争发哥未咋！我要集邮集埋发哥，睇吓集唔集到啦！金像奖第一届影帝许冠文合作咗，到最近一届太保，我同佢又啱啱合作埋，第一届到新一届都合作咗，系发哥未啫！呢个集邮对我好重要，我只系斟杯茶畀佢饮，咁样一场都得啦！（你成日同佢跑山，有冇当面问佢？）讲笑咁讲，佢咪话食嘢唔好讲嘢罗！」
这天见达明，无论身型和气色都更好，他坦承经过在饮食和运动方面的长期努力，现在已成功增了15磅，「我𠵱家仲有少少肚腩，最好将肚腩啲肉上番块面度，我差8磅就回复正常，但系我只手系瘦，8磅肉去番块面同埋手就OK。（上镜再靓仔啲！）系会年青返啲。最近网上见到（黄）子华啱啱生日，染返啲黑头发好靓仔，我要追番上去㗎嘛！（要挑战子华？）唔系净系挑战佢，好多好靓仔喺度，咁我梗系要追番近啦！」
最新回应