一岁半大仔返Playgroup 陈凯琳又开心又激动又担心
2020-10-09 15:40 
因为疫情影响，学生好耐都冇得返学校上堂，日前学生哥终于可以返学见吓啲同学仔，好多星妈都影低仔女返学校嘅相。陈凯琳(Grace)家有两个仔，一个系岁半嘅郑承悦（Rafael）一个系两个几月嘅郑承亮（Yannick），前者虽然得岁半但都已经要返学前班，靓妈影低囝囝返Playgroup嘅相，见到戴住口罩嘅Rafael坐喺玩具车上好开心，睇对腰果眼仔就知佢笑紧，之后又好开心咁玩推车仔，人生第一次返学返得好愉快。
不过郑太就好感怀，佢喺IG留言话最近见到好多人分享小朋友返学校嘅相，佢好肯定大家同佢一样，觉到又激动又担心又开心，不过当见到自己仔女学习新事物嘅时候笑得好开心，见证到佢哋成长，又会不由自主地觉得自豪，但同时又觉得时间过得太快，佢好期待将来有咩事会发生喺囝囝身上。
關鍵字
最新回应