【独家】苏丽珊开心同儿时偶像拍戏 黄又南透露Shine有合体机会

因为疫情影响，由黄又南及苏丽珊主演嘅电影《冥通银行特约：翻生争霸战》押后多月终于上映，原来小时候嘅苏丽珊系Shine迷，今次同又南合作自然心心眼，仲话好想佢同天佑合体开演唱会添！虽然天佑曾说过：「No More Shine！」，不过又南竟话：「适合时间会有！」睇嚟有转机喎！采访：方骞平 化妆：Will Wong 发型：Bart Choi@IL Colpo group 服装：SPORT b.(苏丽珊)化妆、发型：Henry Tse@Lafe Hair Salon 服装：O.N.S clothing (黄又南) 场地：partyland

又南在戏中饰演废青鬼，为尽快投胎而喺阴间发愤参加争霸战，其间跟灵媒苏丽珊相遇，发展一段人鬼恋故事。演「神婆」嘅苏丽珊谂返起都惊惊哋，因为场景有成约30枝蜡烛及神坛，玻璃樽又装住玩具bb头，有啲阴森恐怖感觉。又南最深刻系冇接触感动戏：「因为我系鬼，两个人触碰唔到，唔会有埋身动作戏。」苏丽珊笑说：「有啲嘢未发生先系最浪漫！」

视苏丽珊为妹妹
又南大赞苏丽珊好吸引：「佢好得意，好似妹妹咁，我只有姐姐，成日想有个妹妹，我应该大佢好多。」苏丽珊却说：「最初围读时见到佢经已好粉丝，有啲紧张，唔够胆介绍自己，好怕丑，我喺佢身上学到作为演员嘅专业态度。」又南表示近几年可以再拍戏已好感恩，所以想再做得好啲，唔好令自己有遗憾。苏丽珊最想Shine再开Show，又南态度变软化冇否定合体机会：「认真讲，我哋分开过又复合过，去年年头又好似以前咁，因为冇乜火花，大家想停低落嚟。」又南又说总有合体一日，「不过暂时未系时候。」