【维港会】网民批女人三十择偶仍挑剔 遭反驳爱情非「年晚煎堆」

「女人三十烂茶渣」？网上讨论区「亲子王国」有女网民发文，批评身边所见的单身女士，踏入30岁过后仍然拣择，认为女士们错过了最好黄金时间 ，无条件挑三拣四。

女网民发文指，最近学烘培认识了一些女士，外表端好、在职场打滚近10年，大约已经30岁，部分仍然是单身。女网民认为，这些女士当中性格都温和，工作地方又多男士 ，也多参加交友活动 ，虽然想拍拖，但都说找不到伴侣。网民认为「我无追问佢哋想搵咩人 ， 只系觉得佢哋系有要求 」。

网民自言「当然单身都可以好好」，「我自身难保 ， 都唔得闲理佢哋啦 」。 网民觉得「3 字头女仔 ， 错过咗最好黄金时间 ， 在爱情间不停追寻 ， 追梦 ， 系等高富帅出现 ? 睇得韩剧过多 ?就算等到高富帅 ， 几年后生唔生 BB好 ？ 唔系高富帅系咪就唔可以同佢一齐呢 ?」

不过其他网民有不同看法，有人认为爱情不是「年晚煎堆」；有人说「她们心目中的Mr right 唔一定系高富帅。其次，享受住单身生活去等自己心甘情愿投入去爱的Mr right出现，而唔系宁滥无缺骑牛搵马⋯⋯ 无论最终找不找到对的人，我都欣赏这样的女孩子」；「你拣人，人拣你，又或者佢哋中意单身呢」。

但有人直言，有些女士单身太久性格也会变得狭隘，「但系等下等下... 性格都会越来越古怪，见好多都系咁」；「我见有啲朋友年轻时也ok 近呢几年变咗怨妇，我唔知同大环境有无关系 只知佢哋对生活有好多不满，坦白讲 如果目标系一定要结婚 33-34前都可以拣择一下，38歳以后真系无乜机会」；「黄金时间好重要。我好多朋友廿几好拣择，有条件好又话无情趣，卒之34、35都未稳定落嚟，得个恨字，但后生明明好多人可以选择，而家已唔够啲妹妹仔嚟，就愈来愈慌」。

有人认为女士们应该放开心胸去接受，「宁缺勿滥呢句说话造就咗好多单身女，真系害死人，其实拍拖系比机会自己知道咩类型性格啱自己, 同埋学应该点同男朋友相处, 有过程经历先可以塑造人生，下下都一定系Mr. Right, 比你遇到都唔识相处之道啦! 拍拖都要rehearse 几次先可以修成正果, 边有要等到完美先去马架」