【Headline Girls】陈丽柔Natalie 遇蛙失控

26岁的陈丽柔（Natalie），以往以模特儿及KOL工作为主，亦以网名「柔柔」在网上平台拍片，亲自参与幕后导演、编剧同剪接工作。参加《鬼同你上位》是柔柔首次踏足电视圈，她坦言最初只为贪玩，「灵异嘢我本身唔系太惊，之前我又真系未感受过，我谂自己个体质会隔绝咗呢啲嘢。」不过在节目中总算有感受到灵体的存在，「当时师傅不停鼓励我哋去感受吓，佢话难得有机会感受吓总算系荣幸。嗰时我系有啲感觉，好似瞌埋眼都feel到有人喺你隔离咁。」相对于惊鬼，柔柔更惊见到青蛙，「节目度真系好崩溃咁喊，系见到青蛙！我一出世有意识知道有青蛙呢样嘢就惊，我试过见到之后呕罗！」谈到就算做主角，只要同青蛙合作就一定拒绝，「半裸全裸仲可以考虑，青蛙真系搞唔掂喎！我惊呕到片场周围都系。」