【维港会】女儿整月饼放雪柜 大懵爸煮熟变冰皮饭

明日中秋佳节，少不了一家人食月饼应节。月饼款式日新月异，但月饼捞饭你又试过未？有港爸就因为一时大懵，将女儿自制放在雪柜的冰皮月饼，当成隔夜饭，直接放入电饭煲煮，结果一家人今年食了一餐一世难忘的「冰皮月饼饭」。

有网民在「Day Day Explode 日日爆」Facebook专页投稿，指家中习惯将隔夜饭留下，煮饭时加热一齐食，而平时都是爸爸负责煮饭。结果一日开饭，大家却觉得一碗饭「甜到漏」，再看雪柜，居然还有一碗隔夜饭。原来妹妹学做冰皮月饼迎中秋，将饼皮放入雪柜冷藏，结果爸爸一时「眼残」，「骤眼睇一大碗白色以为系隔夜饭，顺手放入电饭煲翻热」。

妹妹花很多心机整的饼皮全部报销，「佢嬲到傻咗，大闹老窦点解咁大分别都睇唔到 」，但已无补于事，父亲只回了一句，「点知你啫」便了事。结果网民和妹妹唯有煮面食，爸爸出街食，只有不愿浪费食物的妈妈食清剩饭。「最后我考虑紧以后都系唔好俾老豆煲饭......或者以后唔好食隔夜饭......」

帖文笑爆一众网民，「笑到标眼水」、「一句『点知你啫』听到人著晒」、「我建议楼主关心下令尊嘅视力状况，会唔会系有老花唔肯戴眼镜呀」、「不如考虑加啲芒果同椰汁扮芒果糯米饭」，而有网民的爸爸妈妈更夸张，「我妈试过将块绿色洗镬嘅百洁布同啲菜一齐炒」、「我老豆将我珍藏嘅Parma ham攞咗去当金华火腿用嚟滚汤」。