换过新发型后生晒薛家燕盼中秋节一家团圆

2020-09-24 14:53

日前薛家燕戴上留浏海短假发，形象焕然一新出席商场中秋活动，对于换个「新发型」，家燕姐哈哈大笑：「呢个新发型系咪好特别呢？其实想换吓形象，头先我出嚟时，好多fans都话唔认得我，因为唔见咗粒癦，我觉得呢个新发型后生啲、好有新鲜感。」

今年薛家燕首次推出自家品牌「家燕妈妈流心奶黄月饼」，疫情下销情不俗，「中秋节系一个佳节，希望我嘅月饼，大家食得开开心心罗！我都有成大半年冇出去商场行喇！而系今年中秋节最大希望系团圆，好想身在美国嘅大女珊珊可以赶得切返嚟，隔离完14日之后，赶及成家人一齐食饭过中秋节！如果到时受限聚令影响就留喺屋企食，但唔使我煮，因为我细女同新抱𠵱家煮饭好叻，呢个疫情佢哋日日都煮餸煮饭，好好味！咁喺屋企食都好开心。」家燕姐又忽发奇想，「或者食完饭食埋月饼再上山顶赏月。」