【监场事件】庄思明连环出Po寸搏见报 许芯悦爆喊：唔想再被侮辱同诅咒

34C「翻版汤怡」许芯悦（Katie）早前夥拍杨明演出新片，戏中扮演情侣的二人有拖手及挨心口等亲热戏，岂料令有份演出的庄思明「打烂醋埕」，有传她就算冇戏份或收工仍留低近距离监场，甚至以「女二」身份向「女一」Katie教戏！对此，Katie向传媒直认被思明的「凌厉眼神」吓亲，仲搞到头痛又失眠，并强调杨明不是佢杯茶；但另边厢，思明却否认「人盯人」监场。

今日Katie到荃湾出席颁奖礼活动时，被问到思明监场事件，她即低头兼手震，沉默30秒后才哽咽回应：「我唔可以讲任何嘢，报道后我收到短讯骂我，唔想再被人身攻击、侮辱同诅咒我。（边个攻击你？）有一个人我唔想提及佢！」问会否怕再遇到对方？Katie边抽泣边说：「到时先知道，唔系个个都会将短讯畀记者睇，令到自己可以上C1，C1唔重要、钱亦都唔重要，人矮做Model亦唔代表人格差！（会否找杨明解决事件？）我冇佢任何联络方式！」

未待Katie回应事件，另一主角思明已再次出IG Story反击，十分有「先见之明」！思明留言：「预咗D（啲）讲开大话嘅人系唔会咁容易收手架（㗎）啦！你要继续老屈作故仔搏见报你咪继续罗，公道自在人心！我又唔知你系边位，同你讲多都嘥气。#我系受害者都未喊 #人在造天在看 #你想利用我到几时 #系唔系唔作故仔唔屈人就冇得见报呀」在活动后，思明又再于IG Story发功，她写道：「其实佢都几好笑 #想笑死我 #有个小丑氹自己开心都几幸福呀 #你再讲大话小心变咗木偶鼻」