滙控股价狂泻林盛斌心痛输多少：唔放弃坚持到底

2020-09-23 12:00

蓝筹滙丰控股的股价昨日狂泻跌穿$30关口，创逾25年低位。林盛斌(阿Bob)向来将搵返嚟嘅辛苦钱保守投资，今年4月曾在社交平台透露以$40买入1200股滙控，点知目前搞到一地玻璃碎成为输家。对于滙丰控股已风光不再，阿Bob昨日上载一身赤祼上身，着住一条泳裤面对游艇乸口乸面的嘅照片，仲有感而发留言：「只要滙丰升返上嚟，我就买到㗎嘞！」暗示自己「坐艇」，心痛输多少。

被网民追问买咗几多?Bob就话：「多少手唔系重点」，又话：「唔系$30买罗!当穿30时已经冇准备...」又覆网民话：「好彩(输剩)仲有条裤！」有网民提议他留给细仔或孙儿，他回覆说：「唔放弃就唔会输」、「等待黎明」、「坚持到底」等留言嚟自我安慰。最搞笑网民建议他先买住只游艇...模型先，或者买架潜水艇应景!他认同表示：「终会升上水」。至于持货唔少嘅薛家燕眼见滙控狂泻都好无奈，有意趁股价低啲时再入返啲货沟淡佢。