【维港会】九十后置业者增 网民热议如何靠自己实力上车

近日楼市交投有回暖迹象，有网民称发现近月多了投身职场不久的九十后置业，议论到底是靠自己实力，还是父母帮一把的人为多。

连登讨论区有网民发文，指发现近日好多后生仔上车，「讲紧系果堆有稳定偏高收入嘅九十后，E.g. 老师、医护、主任级公务员等等，储咗/问屋企借四五六十万，就急急脚搵啲唔洗大执嘅楼九按上车，到底呢个决定系好定坏，想知大家身边多唔多人呢排上车？」另外有网民发文说，「成日睇啲90后买楼故事，基本上唔系父干就母干，究竟有冇90后买楼系靠自己」。

有过来人分享经验，「我同我老公90后，真系完全无靠父干，因为大家屋企都穷。老公早我几年做野，份人好悭，我就做咗4年。今年年头买咗楼，我哋用晒身家比例系佢8我2，我哋系俾一成首期，5xx嘅楼，每一个月供2万，一人一万。虽然我哋唔系买咩豪华楼，但我哋真系凭自己努力打工储返嚟，以自己为荣」。

另外也有人透露，「我同男朋友都系做医疗，唔系医生，做咗5年野大家都各储到100万。冇父母干，啱啱上咗车9按7球几楼。胜在我同男朋友共同目标就系有个安乐蜗」。

这位女网民分享，「平时出街都冇咩洗费，冇话特登去悭钱捱面包，睇戏多数去宝石，大日子就食下放题，礼物全部Diy，当中大家都有比钱读过master，同旅行一年三至四次。我每个月最大支出就系比8000家用，平时牛记笠记，所以手袋靓衫化妆保养品从来都冇买过。男朋友就唔洗比家用，最大支出就系停车场同保险费，重点系 返工带饭真系悭好多钱」。

有网民分享，「认真识唔少，好几个都系护士，有啲入银行做好多花红，父母干就一定有，都有啲抽居屋上到，其实抽到居屋上都系十几廿万，正正常常储钱三十岁松啲一定上到啦。家庭压力都要细罗，屋企人有咩长期病患，或者一早仙去自己要独立，一定起步比人慢。不过讲到尾，人比人比死人。」

有人留言提出，「唔靠父母干，就要两个肯一齐存，加借足9成先上到车，当两个每人搵3万至4万，每人存1.5万，一个月3万，一年就36万，奖金、花红去完旅行就存晒去，存完就一年40万咗右，大约3至4年存到150万左右。800万楼用『林郑plan 』都可以轻松上车，之后都要月供两万几」。