星岛日报

【独家】酒店庆祝结婚三周年 邓达智分享「夫妻」相处之道

2020-09-17 23:16
邓达智及陈梓欣喺酒店庆祝结婚三周年,房间布置好浪漫。
邓达智及陈梓欣喺酒店庆祝结婚三周年,房间布置好浪漫。

愈嚟愈多已婚男艺人被掲偷食,经营一段婚姻唔容易,尤其同性婚姻就更难。9月9日系时装设计师邓达智(William)与医生伴侣陈梓欣(Clement)的结婚三周年,因为疫情未能出国,两人改于酒店staycation庆祝,曾确诊新冠肺炎并已康复的邓达智赞好陈医生令佢好有安全感,「我哋行到今时今日,好难得!」采访:方骞平 场地:Marco Polo Hotel




邓达智及陈梓欣喺酒店庆祝结婚三周年,房间布置好浪漫。
邓达智及陈梓欣喺酒店庆祝结婚三周年,房间布置好浪漫。
两人结婚3年,由激情到了解,变得愈嚟愈爱。
两人结婚3年,由激情到了解,变得愈嚟愈爱。

当日酒店职员好识做咁帮两人悉心布置房间,一室红白气球加玫瑰花瓣,仲有大大个英文字LOVE营造浪漫气氛。生于大家族的邓达智坦承,至今仍然有乡亲畀眼神佢睇,对他唔瞅唔睬,甚至兜路行回避他:「情况好似我新冠肺炎康复后一样,上周我同屋企人去饮茶,对面枱嘅人一直用唔友善目光眼望望,最后叫侍应过嚟要求我哋调位,陈医生好明事理,话咁样系人之常情,因为社会好多人唔太了解个病,所以情有可原。」William形容自己跑过码头,见过世界,有唔少人生经历,根本冇有怕!

William康复后返家,两人饮酒庆祝。
William康复后返家,两人饮酒庆祝。
3年前,两人于伦敦注册结婚。
3年前,两人于伦敦注册结婚。


人生苦短好好享受
结咗婚3年,邓达智和陈梓欣因了解而愈嚟愈爱,William分享经验之谈:「友谊系夫妻及情侣间重要元素,要用另一个角度去欣赏爱嘅人,一段成功嘅婚姻系要只眼开,只眼闭嚟包容对方,好似陈医生会容忍我嘅小脾气同埋论尽;而佢间中都会讲嘢冇尾音,语气重咗啲。虽然疫情下要喺屋企日对夜对,但我写书;佢进修,我哋反而冇乜磨擦。佢最吸引我嘅地方,系用事业作为理想,陈医生打算两年后做无国界医生,而我就跟佢过去,顺便嚟个深度旅行,人生苦短,要将旅行变成生活一部份。」至于陈医生就大赞William好有大佬风范,会照顾晒身边朋友,而且好尊重长辈。

两人喺酒店海景套房staycation庆祝「皮婚」。
两人喺酒店海景套房staycation庆祝「皮婚」。
酒店职员悉心布置两人房间,连床铺都有红白气球加玫瑰花瓣,床头有大大个LOVE字。
酒店职员悉心布置两人房间,连床铺都有红白气球加玫瑰花瓣,床头有大大个LOVE字。
邓达智留院期间,陈医生喺隔离营出关,即送上鲍鱼爱心饭盒。
邓达智留院期间,陈医生喺隔离营出关,即送上鲍鱼爱心饭盒。

最新回应

關鍵字

相關新聞

热门文章