新歌MV用动画说故事　曾乐彤叹《天空之门》最难唱

曾乐彤日前推出新歌《天空之门》，她表示最初听到Demo时觉得这首歌很有动漫的感觉，「就好似喺天空、草丛中奔驰。」故MV亦以动画方式展现，惟MV中的女生并非以曾乐彤为蓝本，她解释：「因为个女仔可以系任何人，令到睇MV嘅人更加可以代入自己。」至于另一主角昰兔仔，兔仔代表已遗忘的好奇心，「其实好多戏或童话里面都有出现兔仔，我对兔仔嘅谂法，就系佢代表住一个好奇心，每个人都会有一种好奇心，譬如你突然间遗失咗一样经常挂喺身边嘅嘢，就好似好奇心咁，人愈大嗰样嘢你就会唔记得咗，但其实一直喺你身上，只要你anytime重拾番嗰样嘢嘅时候，佢就会带到俾你无限嘅可能性，或者系一个未知嘅将来，呢个就系『天空之门』，打开对门后系一个未知。」

谈到今次跟作曲、编曲及监制的Cousin Fung第三次合作，曾乐彤说：「每次同Cousin合作都有啲唔同，佢很有耐性，用一个奇特嘅方法指导我，令我更加可以好好地咁运用声线。佢今次对我嘅要求提高咗，例如喺唱腔、细节位都好严格，所以录呢首歌系一个很漫长嘅过程，可以话系出道以嚟最难嘅一首歌。」