【维港会】25岁后应否与家人同住？网民指搬出去烦恼多

疫情下市民长时间留在家中，但香港人居所浅窄，家人之间不时有摩擦及口角。近月不时都有网民呻有意搬出去，建立私人空间，引发网上热议。

有网民发文指，「真系唔明 过咗25岁仲可以点同屋企人住」，称「都成年人啦，有自己想过嘅生活，系屋企做自己嘢又好奇怪咁，活系屋企人嘅眼光同压力之下，变相做乜都就住就住，一系就无视目光但又有几多人做到。有几多人可以25岁后仲可以同屋企乐也融融咁先...重点系我屋企人完全唔想我搬」

有网民亦有同感，「无空间真系好惨，个厅成日有人想出去活动下都唔得，做咩都俾屋企人望住哂问长问短，完全过唔到自己想要既生活方式，想搬但开支会好大」

有网民指，「身边大部分朋友差唔多30岁都忍唔到搬出去住，有啲早嘅搵到女友25至26岁都有」。

不过有不少人认为同住有好处，可以节省租金、生活费，而且搬出去倍添烦恼。有网民称，「同屋企人住系相处烦少少啫，悭埋嘅钱仲多。大把人有楼都同屋企人住，再租自己层楼出去。除非屋企环境好恶劣唔到你唔搬，唔系都会一齐住，谂住结婚前一两年先走同女朋友出去同居住」。

有人自言，「三十岁，做裙脚仔做得好开心，生活有老妈执头执尾煮你饭不知几爽」、「如果屋企环境好、屋企人对你又好，唔搬好过搬。唔单系钱，自己住多好多嘢烦。」、「搬出去，地方又细，又冇工人用，要自己执屋点搞？」


也有已经搬出去的过来人分享经历，「我几年前25岁买咗500尺楼，同老妈屋企距离10分钟路程，但我屋企间隔舒服好多， 距离港铁站近好多， 买野又方便好多， 而我又一直冇女友」。

他透露，「咁我老妈就基本上系一个星期有最少几日喺度过夜， 照旧同我住， 煮饭清洁，锺意就过返去佢自己度。有时我叫佢唔好上嚟佢就过返去佢自己度。虽然同老妈好close，但我买咗楼供紧楼，其实一直都感受唔到呢间系只属于我嘅屋。」