【維港會】25歲後應否與家人同住?網民指搬出去煩惱多

2020-09-05 14:45
香港樓價及租金高企令市民難以負擔。資料圖片
香港樓價及租金高企令市民難以負擔。資料圖片

疫情下市民長時間留在家中,但香港人居所淺窄,家人之間不時有摩擦及口角。近月不時都有網民呻有意搬出去,建立私人空間,引發網上熱議。

有網民發文指,「真係唔明 過咗25歲仲可以點同屋企人住」,稱「都成年人啦,有自己想過嘅生活,係屋企做自己嘢又好奇怪咁,活係屋企人嘅眼光同壓力之下,變相做乜都就住就住,一係就無視目光但又有幾多人做到。有幾多人可以25歲後仲可以同屋企樂也融融咁先...重點係我屋企人完全唔想我搬」

有網民亦有同感,「無空間真係好慘,個廳成日有人想出去活動下都唔得,做咩都俾屋企人望住哂問長問短,完全過唔到自己想要既生活方式,想搬但開支會好大」

有網民指,「身邊大部分朋友差唔多30歲都忍唔到搬出去住,有啲早嘅搵到女友25至26歲都有」。

香港樓價及租金高企令市民難以負擔。資料圖片
香港樓價及租金高企令市民難以負擔。資料圖片
不少市民希望自己有獨立居所。資料圖片
不少市民希望自己有獨立居所。資料圖片

不過有不少人認為同住有好處,可以節省租金、生活費,而且搬出去倍添煩惱。有網民稱,「同屋企人住係相處煩少少啫,慳埋嘅錢仲多。大把人有樓都同屋企人住,再租自己層樓出去。除非屋企環境好惡劣唔到你唔搬,唔係都會一齊住,諗住結婚前一兩年先走同女朋友出去同居住」。

有人自言,「三十歲,做裙腳仔做得好開心,生活有老媽執頭執尾煮你飯不知幾爽」、「如果屋企環境好、屋企人對你又好,唔搬好過搬。唔單係錢,自己住多好多嘢煩。」、「搬出去,地方又細,又冇工人用,要自己執屋點搞?」


也有已經搬出去的過來人分享經歷,「我幾年前25歲買咗500呎樓,同老媽屋企距離10分鐘路程,但我屋企間隔舒服好多, 距離港鐵站近好多, 買野又方便好多, 而我又一直冇女友」。

他透露,「咁我老媽就基本上係一個星期有最少幾日喺度過夜, 照舊同我住, 煮飯清潔,鍾意就過返去佢自己度。有時我叫佢唔好上嚟佢就過返去佢自己度。雖然同老媽好close,但我買咗樓供緊樓,其實一直都感受唔到呢間係只屬於我嘅屋。」

最新回應

關鍵字

相關新聞

熱門文章