【维港会】仁慈爸不杀生令屋企变蚁窦 白糖盒满布识行「黑糖」

家中出现昆虫，一般人都会打死或赶走，不过有位「慈悲」港爸，居然以「唔好杀生」为由，放走在砂糖盒中的蚂蚁，最后造成全屋蚁患大爆发，令人哭笑不得！

有网民在「Day Day Explode 日日爆」Facebook专页发文，指家中上月有蚁患，但一直找不到源头，时不时会见到蚁路，每日都要用漂白水抹。上星期打算煮早餐时，「落糖果时就奇怪点解啲糖识郁...之后一打开装糖个盒...惊吓嘅事情来了」只见里面爬满蚂蚁，场面恐怖，「屋企呀爸仲话放过啲蚁...唔好杀生」。

网民表示，现在每日都要用柠檬水和白醋抹，近日更发现蚂蚁蛀了成筒山楂饼，「厨房有个铁罐装咗啲果啲纸包糖，中药送果啲话梅同山楂饼，直接掉咗」网民无奈说，蚂蚁永远不知道从哪里出来，已经蔓延全屋。

不少网民见到砂糖中满布蚂蚁都非常崩溃，「我睇到成身痕」、「你唔杀蚁后佢会不停生架！ 」，亦有网民教路「要搵到源头（蚁系边度入屋）先有用⋯⋯以前住过一间屋都好多蚁，后来搵到蚁系插头走入屋，用胶纸封咗个插头就冇蚁」、「系多蚁既地方放乾辣椒，啲蚁未必死，但起码会唔出现先。」