【独家】为新歌微电影情绪大爆发 Gin Lee恨有机会演戏

Gin Lee（李幸倪）最近推出新歌《幸福门》，是以「家」做主题的概念大碟第一首推出歌曲，亦是微电影《失格游人》三部曲中首部曲。而微电影专登搭了一间屋来拍摄，Gin要在4日内完成3首MV拍摄工作，加上邀请了演技出色的陈汉娜和韦丽莎担任其中两个MV女主角，令戏份最重又怕拖低水准的她压力相当大，幸好当中最难演的一场爆喊戏份也能顺利完成，一直恨演戏的她更希望好快能献出戏剧演出第一次。撰文：杜淑霞 摄影：李维隆 发型：Eve Chiu 化妆：Circle Cheung @ ndnco.co 场地：Pier 1929 @ 湾仔码头

今次概念专辑由「家」出发是Gin有份构思，「我同填词人一齐谂，好想啲嘢大家容易有共鸣，因为大家都有屋企，都会有门，好易明。而《幸福门》就系讲屋企嗰度门，其实系记录咗好多关系同情感嘅一个物件。」

Gin决定制作微电影后，就搵来同事兼好友周殷廷做监制，更邀请金像奖提名美指张蚊出任导演。整个MV场景花了半个月时间搭建，要在4日内完成微电影，即要拍3个贯通3个不同年代的MV，Gin形容拍摄过程是疯狂一次，「觉得好难得、好开心、好新鲜、亦都好刻苦嘅一个经验，系好辛苦，但系好过瘾，我试过一日拍两只MV，但嗰种唔同，拍完即刻可以抽离，但系今次4日都喺同一个地方，食又喺度瞓又喺度，因为年代又会混埋一齐，系最特别亦都系最疯狂嘅一次。」



既然是微电影，演技相当重要，令身为第三部曲MV女主角的Gin压力不少，「我哋着紧个演技，所以另外两个女主角都系演技派，去到我嘅时候，我都好紧张好大压力㗎！我会唔会拉低咗成件事呢！？多谢监制同导演信任，同埋故事系自己故仔无理由叫人哋去演，真系想参与返，唯有尽量投入去做好嗰件事。」尾段一场爆喊戏，Gin要5分钟一shot过完成，她演了3次便搞掂，更因太投入cut机后仍爆喊，「cut咗抽离唔到，喊多10秒度先去睇返个take，我印象好深刻系入咗角色里面，都考到演技。」这次演技大爆令Gin对演戏信心大增，更望有机会获邀演出，「我想㗎！有机会都想演，咩类型都试，都系一个磨练嚟，演戏对我系一个新嘅学习。」