【独家】新任老窦心情好 罗仲谦拍外景系咁笑

今年四月，杨怡剖腹诞下B女「小珍珠」，罗仲谦虽然膊头重咗，但佢好乐意努力搵奶粉钱，捱过第一二波疫情拍完《陀枪师姐2020》，而家又要捱第三波拍新剧《儿童医院》。《陀枪》煞科前曾喺铜锣湾街头见到罗仲谦同宣萱拍外景，新任爸爸心情好好，镜头外系咁笑。采访:梁志明

近日疫情严峻，为了小珍珠健康着想，罗氏一家简单地在家搞百日宴，并透露小珍珠的名字叫罗翊心，英文名叫Hera。小珍珠正面样终于曝光，同老窦超似样，难怪谦谦留言话囡囡系佢上一辈嘅情人，仲话「爸爸等你等了36年了。」

靓仔老窦
讲返个探班，当日下昼四点，罗仲谦、宣萱及海俊杰等喺铜锣湾摩顿台拍外景，剧情讲述罗仲谦畀人拉仲要锁上手扣，然后宣萱赶到嚟睇住谦谦畀人拉，完。剧情好简单，试咗两次位就正式拍，试位等候期间，新任老窦表现好快乐，系咁笑，有时微笑有时大笑，同人倾偈笑得最开心，话咁快拍完，谦谦即戴返口罩赶住返归凑女。