拍新歌MV感激兄弟帮拖 Anson Lo@MIRROR为骚靓身形捱饿30小时

MIRROR成员AnsonLo（卢瀚霆）第二首派台作品《Burn Out》将于8月12日推出，今次他首度亲自作词，当中内容更与自己的情史有关，而早前拍摄歌曲MV时，他为了上镜更好睇，竟在连续30小时未有进食的情况下又唱又跳，意志力惊人。


《Burn Out》是借蜡烛形容一段燃烧殆尽的感情，Anson表示：「今次自己作词，系好personal嘅作品，当中有好多爱情观同埋历史想同大家分享。」为了配合歌曲浪漫感觉，MV特意拣了间带点复古味餐厅取景，Anson更以多个不同造型示人，其中一套西装更将恤衫开胸至腹部位置，Fit爆身形表露无遗。为了上镜好睇，Anson特意前一晚开始禁食，加上拍摄超过12小时，足足捱饿30小时又唱又跳，「我只系饮黑豆水撑住生命，但惊喜地唔太辛苦。为咗上镜嗰一刻够瘦够靓，所以即使见到嘢食，譬如工作人员喺我面前食晒薯片，我都忍到冇攞嚟食，所以意志力好紧要。」不过拍到近天光，Anson已又攰又饿，所以完成拍摄要食碗牛腩河才会去睡。

Anson今次MV找来肥仔@ERROR为他排舞外，更厚面皮地主动要求队友Edan及Jeremy前来探班，不过好兄弟一call即到出心出力帮手，Edan刻意穿上全黑化身PA，在现场帮忙执拾；Jeremy则充当造型师帮手熨衫，令Anson十分感动，讲明会请食饭答谢。至于肥仔，他应Anson要求编排舞蹈，更构思埋镜头走位，实行帮到尽。被问到Anson舞技如何，肥仔继续搞笑本色，「我舞技出众就梗㗎啦！但Anson Lo就系我之上。我老喇！要退位让贤，要交畀呢啲后生仔去做。」Anson听罢大吓一跳，「平时肥仔都唔会咁讲嘢，今日咁Humble（谦卑），好惊！」对于肥仔的编舞，Anson大赞，「肥仔创咗一啲我完全未做过嘅舞步，性感不失绅士风范，十分好。」