【好奶奶】疫情下贺新抱牛一 薛家燕精心策划外卖火锅生日P
2020-08-04 11:30 
薛家燕唔止系个好前辈，仲系一个好奶奶，所谓「好仔不如好新抱」，前年升呢做奶奶嘅薛家燕锡到新抱陈素怡（Zoe）燶，入门时已送上豪宅、家传之宝及大量金器，羡慕死一众新抱呀！Zoe都好识做，疫情下会亲自煲爱心靓汤畀家燕姐补身，两婆媳向来都相处融洽。
噚日系嘅Zoe生日，因限聚令未能出外庆祝，但薛家燕就喺屋企精心策划咗个小型生日派对，除咗布置现场外，仲外卖火锅，餐枱放满和牛等美食，而在短片中薛家燕逐一介绍食材，更跟Zoe来个爱的抱抱，儿子石耀庭、幼女石耀珠都在场拍烂手掌，独大女珊珊身在美国工作未返。Zoe开心到竖晒手指公，喺疫情下，睇嚟身形丰满咗，好有少妇相。
家燕姐留言：「今天是媳妇Zoe生日，因为疫情关系，得到好友林柏希的特别安排送上外卖火锅，又方便又美味，大家都有一个温馨和开心的晚上。」网友大赞薛家燕系最佳奶奶典范。
關鍵字
最新回应