【闷到狂出Po】呻冇得出街学打鼓做瑜伽　关之琳留家做Gym搵爱犬作伴

近日本港疫情严峻，不少人都听专家话留家避炎，现年57岁的关之琳都唔例外，不过唔知系咪宅喺屋企闷得济，以往间唔中先喺社交网出Po的她，最近开始活跃起来，继前日于内地社交平台上载一段在睡房拍摄的「变装」短片后，今日凌晨又于IG连发两Po。在第一个帖文中，关之琳分别贴出一段打鼓及一段大玩空中瑜伽的短片，并写道：「Miss the activities , terrible Covid 19 #druming #aerialyoga #badminton（想念那些活动，可怕的新冠肺炎）」片中，戴住口罩的她不论打鼓或学习凌空倒转的瑜伽动作均做得有板有眼，连好友汪诗诗都留言赞：「so cool!!」

虽然冇得去Studio上堂，但关之琳都冇因此松懈到，仍然好努力喺屋企做GYM，在第二个帖文中，她更分享了一段在厅中做「Mountain Climber」动作的影片，片中仲有爱犬瞓喺隔离陪伴，其间关之琳做做吓更搞笑地向狗狗叫「喂」，可惜爱犬好鬼懒，继续无动于衷瞓喺度。