【人人自危】「娱乐圈群组」增添1人感染  阮小仪喉痛肚屙疑神疑鬼

新冠肺炎「娱乐圈感染群组」新增多刘少君1人，合共有5人确诊，引起娱乐圈大恐慌。由于确诊宣传人员阿佳喺病毒潜伏期内到过电台及电视台，人人自危。商台DJ阮小仪自爆中招疑云！

 

今朝她主持电台节目《早霸王》时说：「之前开始喉咙痛，噚日仲肚屙，惊到好似有绝症咁，但又唔敢话畀妈妈同身边人知，好彩肚泻原来系食咗中药嘅反应，屙咗一次后，今天已经冇乜事喇，所有嘢都完全正常，都冇咁惊，原来只系自己吓自己。」小仪接受本报访问时，强调其实冇见过佳哥，只系有啲担心，自己疑神疑鬼啫，本身有做足防疫，都应该OK嘅。她说：「大家一齐加油啦！」又呼吁大家忍多阵，希望香港好快冇晒事，大家就可以继续过正常生活了。

 
商台DJ梁文礼检测报告呈阴性
而另一DJ梁文礼喺上星期五节目中访问过新人谢高晋，当时由佳哥带嚟电台，当收到佳哥确诊消息后即晚去医院检验，寻日收到通知话初步测试呈阴性，他在IG留言报喜：「话说，星期六(18/7)一做完”903豁达推介”真系5pm一报完时就洗版式收到msg:佳哥确诊咗！佳哥就系大家睇报道所形容为freelance宣传人员，而佳哥系喺星期五(17/7)带新人谢高晋嚟我节目做访问。一收到呢个消息，即通知公司，留咗喺电台唔敢走住，当日夜晚即同接触过佳哥嘅阿金、阿传一齐去检验，喺医院折腾咗两个几三个钟，拎个樽返去第二朝留唾液再交番医院，今朝收到医馆局讯息。

虽然呢个初步测试阴性，但系都唔代表100%无感染，所以呢两日都唔会返去做节目住，尽量留喺屋企。最后想讲嘅系，啲菌越来越近，梗有一个喺左近，大家要无时无刻都带罩，唔好有身体接触，洗多啲手，少啲岀街，祝大家身体健康，送上呢期最啱听两首歌 : @rubberband 百毒不侵 @hui_alfred NEGATIVE」