【独家】搞美容「收阴」生意月赚过百万 蔚雨芯封「魔鬼胸」全力从商

入行9年，26岁的蔚雨芯（Rainky）靠在旅游节目中穿三点式与魔鬼鱼同游，被封「魔鬼胸」令观众认识。因为在娱乐圈发展成绩唔太理想，去年豁出去用累积嘅人脉，加上与友人合资7位数搞自家美容品牌网店，32D「魔鬼胸」当然成为生招牌。开业1年已火速赚到第一个一百万，𠵱家公司平均月赚过百万。有好回报又有满足感，Rainky唔再沉迷发明星梦，主力从商搵钱最实际。采访：方骞平

蔚雨芯出过3张唱片，亦曾出过写真集，大晒32D火辣身材，近年就拍吓电影及电视剧，不过，明星梦随住网店生意愈做愈好而梦醒，她说：「由细到大都为自己定落好多目标，好想创业同做歌手，细个就出唱片，拍吓戏都OK嘅，但做歌手嗰阵每日都有啲迷茫，永远唔知听日做乜，套剧得唔得？颁奖礼有冇份参与？出新歌来来去去都系派台，上电台做宣传更加无谓，一堆访问做到好闷，经理人教落，识多啲人脉就可以创立自己品牌，旧年觉得系时候跳入人生另一个阶段，我贪靓，所以选择做美容品牌。」

疫情下生意劲升

Rainky最估唔到疫情下网购生意不跌反升：「因为啲人少咗出街购物，女仔留多咗喺屋企就容易致肥，加上上网认识到我啲产品，所以呢几个月好快返到钱，我将公司赚到嘅7位数字投放返喺新产品，同时又喺荃湾租咗个2,000尺嘅甲级写字楼，装修咗几十万。其实真系冇谂过生意发展得咁快，由最初得200个代理去到𠵱家有600个代理跟我搵食。本身今年二月周年晚宴只系谂住摆6围，因为疫情顺廷至上周五举行，𠵱家要加开到15围，愈搞愈大，仲请埋姜涛表演，未来产品仲会打埋入台湾同星马市场，系长线发展。」

嫌自己Pat Pat大

闺密刘佩玥、朱晨丽及陈嘉桓等都有受惠用收阴保健品，Rainky大笑说：「我唔需要收阴住，亦感受唔到，不过就真系改善咗经痛。」提到大马郑姓富二代男友，Rainky即落闸，「好朋友咋，未去到亲蜜地步，家阵要专注工作。」而她从来冇proud of「魔鬼胸」，亦不觉系完美女神身形：「自己系鬼妹仔葫芦身形，pat pat大、周身肉地，亚洲人未必锺意」