出海失足受伤太太代报近况　林奕匡趁机放闪：有最好的妻子

早前林奕匡自爆跟朋友出海落船时，失足酿成意外，搞到手脚受伤，更要留院医治，虽然佢已经出咗院，但系仲要继续接受治疗。呢日佢太太李霭玑就Post林奕匡新相，虽然见佢右手同双脚都仲包紥住，但精神尚算唔错，太太仲赞他是见过最极积嘅伤者，「The most positive and proactive injured person I know（我认识的最积极主动的受伤人员）」

太太仲有代林奕匡报告康复情况，令大家安心，「佢复（覆）诊后做了物理治疗，医生话佢戴个immobilizer多几日，就可以唔戴啦！话说呢几个礼拜，佢每晚都痛到唔系好瞓到觉，瞓三四个钟就会痛醒，因为止痛药既药效都只系得几个钟，好折腾，而且一路郁唔到只手，会连带颈部、背部、胸口都会酸痛，真系惨惨猪。头嗰几日，我已经锻鍊到变为一个非常称职的看护，洗头抹身、清洗伤口完全难唔到我最紧要系冷静，有耐性，细心啲谂吓假若换转头系自己，会想别人点样帮助你?虽然老公好自责也内疚，但系话过会互相照顾对方一生一世，并唔系信口开河，几个礼拜又算什么呢，况且佢绝对系我见过最积极嘅受伤者叫做好翻（返）几日，已经嚷著什么都尽（尽）量自己做翻（返），仲无啦啦走去吸尘，真系俾佢激死。最近更日日唱歌，仲竟然弹倒（到）小小钢琴，所以大家唔好担心，多谢大家嘅问候。而家疫情加剧了，大家都要好好保重」而林奕匡亦好识做趁机放闪，顺便答谢近日辛劳嘅太太话：「I definitely have the best wife（已验证我绝对有最好的妻子）」