【哦】郑俊弘又系成日唔记得拉裤鍊 何雁诗笑言:我哋天生一对

今日，何雁诗(Stephanie)到电台为新歌《绝望时请点唱》宣传，由于是她首次创作的广东歌，所以好似佢第一个BB一样。未婚夫郑俊弘(Fred)亦好满意，由于Fred一直好想跟其他幕后音乐人合作，所以好羡幕Stephanie今次可以与美国编曲人合作。

Stephanie透露正创作一首新歌送畀Fred作为结婚礼物，并指歌词内容唔会肉麻。问到早前放了一张疑似冇着裤的照片上网，问到郑俊弘可有要求她下次要着返裤?何雁诗笑说:「嗰张相有着裤㗎，而且佢都睇惯，不过，当日影完相后换衫先发觉冇拉裤鍊，其实郑俊弘同我讲过佢都经常唔记得拉裤鍊，所以我觉得我哋系天生一对。」

提到早前出席乐易玲生日会时可有留意当日有多对新欢旧爱同场，何雁诗笑言:「传媒唔写出嚟我都冇留意，亦记唔起有咁多关系。」她再补充自己系花生友，当晚食咗唔少花生，回家后有点肚饿。哈哈！

问到当时蔡思贝同边个一齐坐?Stephanie表示跟自己坐，一对对咁坐，郑俊弘就跟胡鸿钧一齐坐。问蔡思贝和胡鸿钧即系一对?何雁诗再笑说，「我冇讲，当时郑俊弘、胡鸿钧、余德丞同罗天宇一齐坐。」