新节目教煮餸搵老公做「白老鼠」　Jessica@SG「疫」境厨艺大跃进

女子组合Super Girls成员蔡明思（Jessica）首次主持烹饪节目《台湾煮家蔡》，她坦言有点压力和紧张，故事前做足准备功夫，并谓：「因为自己未试过拍节目教煮餸，系会紧张，担心制作时步骤出错，所以事前喺屋企煮好多次先，将味道改良，睇吓点样将碟餸变得更好食。」

去年底成为人妻的Jessica笑言平日拿老公做「白老鼠」，她说：「喺拍摄前，佢一个星期就系不断食同样嘅餸，真系煮到自己有信心咁先至会去录节目。」Jessica又直言因疫情关系多了时间在家中，故经常煮饭给老公食，令其厨艺大跃进，她说：「佢返工咁辛苦，都想佢食餐好，食得健康啲。无论我煮咩餸佢都比好多鼓励我，就算唔好食都会系咁赞，即使偷懒将所有隔夜餸炒成一碟饭佢都有赞冇弹，呢个成为我嘅煮餸动力。」

此外，Jessica笑言屋企人也对她的厨艺另眼相看，她笑说：「妈咪都估唔到我可以照顾到老公，因为喺佢哋心目中我连自己都照顾唔好，所以都觉得我结婚之后长大咗,好安慰。」