【独家】亲授3招击退色狼　邓颖芝MeToo经历学识反抗

邓颖芝（Vangie）上月揭发一名自称武术教练男子，以教学示范影片为由非礼多名女生，她之所以积极为女生讨回公道，原来是因为早前到泰国进行训练时，亦不幸遇上「#MeToo」经历，令她觉得不可再姑息疑凶！事件亦激发Vangie努力进修武术，受访当日更即场示范3招自卫术，敢言的她说：「唔啱嘅嘢就要出声，有得讲就好讲！」撰文：黎宝伦　摄影：谭壹致　服装：lululemon　教练：张璟峻　场地：Shooto Gym Hong Kong

自4年前演出ViuTV真人骚《G-1格斗会》后，邓颖芝便对泰拳及巴西柔术一试上瘾，今年2月她更与好友杨柳青去布吉参加巴西柔术训练，但过程中却遭一名外籍男学员「咸猪手」，「有一Pair男学员行埋嚟话『我个朋友唔识呀，可唔可以借嚟做示范』，嗰一刻都冇戒心，点知练紧一个跪地俾人从后抱嘅解锁动作时，佢就插只手落我个胸度搏懵，当下我呆咗，心谂点算？完全唔识反应。」吓到不敢出声又不敢回去上堂的Vangie，现在回想起也好后悔没有报警处理，「呢样嘢对女仔心理影响好大，我觉得系要正视，所以见到呢单新闻就好大反应，好想帮到啲女仔。」

过去看到社会不公的事情，Vangie都经常于社交网发声，问可担心惹麻烦？她说：「我觉得唔啱嘅嘢就要出声，我性格不嬲都有嗰句讲嗰句，但以后会唔会有问题？如果𠵱家唔出声争取，以后就真系好麻烦罗。有时朋友话『你有头有面，点解讲咁多偏激嘢俾人批评』，首先我唔觉自己有头有面，当我系有班追随者，我更加要分享啱嘅嘢畀佢哋听，而家有得讲就讲。」敢言的代价甚高，令Vangie失去不少内地工作，一年赚少几十万，但她绝不后悔，「有手有脚喺香港都可以做到好多嘢，好似教健身、卖大闸蟹等，赚少啲咪使少啲罗，我好易满足。」