【畀个叻自己】变身疫境厨神  李司棋自制冇得输韩国年糕汤面

喺疫境下唔少人变身厨神，现年69岁，半退休状态嘅李司棋都唔例外。呢期冇乜特别嘢做，都系吃喝玩乐嘅司棋姐，得闲就喺IG分享吓生活点滴，昨晚就化身厨神，自家研制韩国年糕汤面。见她随意落汤料，由卖相唔多靓仔嘅配搭，整到有板有眼，司棋姐仲形容系色香味俱全添！

 

她满足的跟本报说：「味道好好，相当好食，但会肥死，因为喺外面吃完，回家回味无穷，决定自己方法试做，太好味，叻，仲可以放少少咸鱼碎、带子，贵妃蚌，随自己喜好。」

 

她发文写埋心得：「自家研制韩国年糕面汤，葱姜蒜，樱花虾爆香，马上落虾乾，蚬肉，安格斯肥牛肉，再落一包意粉酱，再落一些调味料，像大地鱼粉，加滚水，落年糕，即食面，完成时，放入两汤匙Kimchi。泡菜是发酵物，若一起煑会变酸，要加糖调味，也破坏营养，后放更好。想吃辣一点，放些辣油或XO酱。」唔少网民畀Like，要求要一碗⋯⋯又话饿了！闻到好香。